ສັກວັກຊີນປ້ອງກັນພະຍາດໂຄວິດ-19 ຫຼາຍກວ່າ 142 ລ້ານໂດສທົ່ວປະເທດຈີນ

ໃນວັນອາທິດ, ຄະນະກຳມະການສາທາລະນະສຸກແຫ່ງຊາດຂອງຈີນ ລະບຸວ່າ ຈີນໄດ້ສັກວັກຊີນປ້ອງກັນພະຍາດໂຄວິດ-19 ຈຳນວນ 102.4 ລ້ານໂດສ ມາຮອດວັນທີ 27 ມີນາ.

 

ໃນວັນສຸກທີ່ຜ່ານມາ, ບໍລິສັດຍ່ອຍແຫ່ງໜຶ່ງໄດ້ປະກາດວ່າ ການສະໜອງວັກຊີນຕ້ານພະຍາດໂຄວິດ-19 ສອງຊະນິດທີ່ພັດທະນາໂດຍບໍລິສັດຍ່ອຍຂອງ Sinopharm ຂອງຈີນໄດ້ເກີນ 100 ລ້ານວັກຊີນໃນທົ່ວໂລກ. ມີຫ້າສິບປະເທດ ແລະ ພາກພື້ນໄດ້ອະນຸມັດວັກຊີນຂອງ Sinopharm ສຳລັບການນຳໃຊ້ທາງການຄ້າ ຫຼື ສຸກເສີນ, ແລະ ວັກຊີນທັງສອງຊະນິດນີ້ຫຼາຍກວ່າ 80 ລ້ານໂດສໄດ້ຖືກແຈກຢາຍໃຫ້ແກ່ປະຊາຊົນຈາກຫຼາຍກວ່າ 190 ປະເທດ.

 

ທ່ານ Wu Liangyou ຮອງຜູ້ອຳນວຍການສຳນັກງານຄວບຄຸມພະຍາດຂອງ NHC ກ່າວວ່າ ຈີນໄດ້ເພີ່ມທະວີແຜນການສັກຢາວັກຊີນເພື່ອສ້າງລະບົບປ້ອງກັນພູມຕ້ານທານທີ່ກວ້າງຂວາງຂຶ້ນ. ແຜນການດັ່ງກ່າວແມ່ນສຸມໃສ່ກຸ່ມຄົນທີ່ສຳຄັນ, ລວມທັງຜູ້ທີ່ຢູ່ໃນເມືອງໃຫຍ່ ຫຼື ຂະໜາດກາງ, ເມືອງທ່າເຮືອ ຫຼື ເຂດຊາຍແດນ, ພະນັກງານວິສາຫະກິດຂອງລັດ, ນັກສຶກສາວິທະຍາໄລ ແລະ ອາຈານສອນ, ແລະ ພະນັກງານຮ້ານຂາຍເຄື່ອງຍ່ອຍ. ຜູ້ທີ່ມີອາຍຸຫຼາຍກວ່າ 60 ປີ ຫຼື ເປັນພະຍາດຊຳເຮື້ອກໍ່ສາມາດໄດ້ຮັບການສັກຢາວັກຊີນເພື່ອປ້ອງກັນຈາກໄວຣັດໄດ້.

 

ອີງຕາມທ່ານ Wu, ມີການສັກວັກຊີນ 6.12 ລ້ານໂດສໃນວັນສຸກ.

 

ທ່ານ Wang Huaqing ຫົວໜ້າຜູ້ຊ່ຽວຊານສຳລັບແຜນການສັກຢາປ້ອງກັນພະຍາດຢູ່ສູນຄວບຄຸມ ແລະ ປ້ອງກັນພະຍາດຂອງຈີນ ໄດ້ໃຫ້ຄຳແນະນຳໃນກອງປະຊຸມຖະແຫຼງຂ່າວໃນວັນອາທິດວານນີ້ວ່າ ການສັກຄັ້ງທີສອງຕ້ອງໄດ້ສັກພາຍໃນສາມຫາແປດອາທິດຫຼັງຈາກການສັກຢາຄັ້ງທຳອິດ.

 

ທ່ານ Wang ກ່າວວ່າ ປະຊາຊົນໄດ້ຮັບຄຳແນະນຳໃຫ້ຮັບວັກຊີນສອງໂດສດຽວກັນ, ໂດຍກ່າວຕື່ມວ່າ ທຸກຄົນທີ່ມີສິດໄດ້ຮັບການສັກຢາວັກຊີນຄວນໄດ້ຮັບການສັກຢາໄວເທົ່າທີ່ຈະໄວໄດ້ ເພື່ອສ້າງພູມຕ້ານທານຝູງ.

 

ທ່ານ Zhang Yuntao ຮອງປະທານບໍລິສັດ China National Biotec Group ເຊິ່ງເປັນບໍລິສັດໃນເຄືອຂອງ Sinopharm ກ່າວ. ວັກຊີນ Sinopharm ສອງຊະນິດນີ້ໄດ້ພິສູດໃຫ້ເຫັນວ່າມີປະສິດທິພາບຕໍ່ກັບເຊື້ອໄວຣັດຫຼາຍກວ່າ 10 ຊະນິດທີ່ພົບໃນສະຫະລາຊະອານາຈັກ, ອາຟຣິກາໃຕ້ ແລະ ພື້ນທີ່ອື່ນໆ.

 

ທ່ານ Zhang ກ່າວວ່າ ການທົດສອບເພີ່ມເຕີມກຳລັງດຳເນີນຢູ່ກ່ຽວກັບຊະນິດພັນທີ່ພົບໃນປະເທດບຣາຊິນ ແລະ ຊິມບັບເວ. ຂໍ້ມູນການຄົ້ນຄວ້າທາງດ້ານຄລີນິກກ່ຽວກັບເດັກອາຍຸ 3 ຫາ 17 ປີ ໄດ້ຕອບສະໜອງຄວາມຄາດຫວັງ, ຊີ້ໃຫ້ເຫັນວ່າກຸ່ມດັ່ງກ່າວສາມາດລວມເຂົ້າໃນແຜນການສັກຢາວັກຊີນໃນອະນາຄົດອັນໃກ້ນີ້.